: قصائد مكتوبة : لطميات : مواليد : أناشيد :

23 - حيدر

حاء وياء ودال وراء حيدر حيدر حيدر
اسم تعشقه الاسماء حيدر حيدر حيدر
اسرار هل تذكر لا والله يا حيدر

بالعرش سرك يا حيدر بالكنوز الجوهرية - محد إلذاتك عرفها غير بارينه ونبيه
عن جميع الناس غابت هاي الأسرار الخفية - يلصبح حبك عبادة بأمر من رب البرية
أنت منار للأمناء حيدر حيدر حيدر
علمك نهج للعلماء حيدر حيدر حيدر
هل يغنيك الجوهر لا والله لا حيدر

إسمك الطاهر عشقته يا علي ويمشي ويا دمي - الحاء حبك وآنه منه بالمهد رضعتني أمي
الياء ياقوت الجلالة مودع بأعضاء جسمي - الدال دم شيعتك هذا الراء رحمة وتجلي همي
حبك يجري في الأعضاء حيدر حيدر حيدر
إن تطلب نعطيك دماء حيدر حيدر حيدر
يجدي فيض المنحر لا والله يا حيدر

حيدر وصرختنا منها ترجف قلوب النواصب - هالإسم مثل الزلازل عالعدى ينزل نوايب
هالإسم أمجاده تذوي بالمشارق والمغارب - هالإسم وحروفه تزهي تسطع بعين الكواكب
إسمك للأكوان ضياء حيدر حيدر حيدر
يسلب أرواح الأعداء حيدر حيدر حيدر
ذا مجد هل ينكر لا والله يا حيدر

حيدر ومن نذكر اسمك نذكره بإيمان صادق - يبتهج وجه الموالي وينخطف وجه المنافق
هذه ما نقصد إثارة للفتن هذه حقايق - هذا صوت بحق نصيحه إلما يوافق لا يوافق
فلتعلو منا الأصداء حيدر حيدر حيدر
أنت وجود دون فناء حيدر حيدر حيدر
هل نرضى بالمنكر لا والله يا حيدر

يا علي هالدنيا فرصة للذي يريد السلامة - وإلي ما يمشي بطريقك تالي ما تفيده الندامة
إسمك بوجه الموالي يا علي أصبح علامة - والذي يخالف طريقك ما يغيرنا بكلامه
أنت شعاع في العلياء حيدر حيدر حيدر
تزهو بالنور الوضاء حيدر حيدر حيدر
هل من سحر يؤثر لا والله يا حيدر

للشريعة نطيت دمك ما نعز عليك دمنا - يا علي ومن نذكر إسمك بيك يتبرك إسمنا
والخصم مهما يخالف والله ذرة ما يهمنا - منك عرفنا الحقيقة ومنك كسبنا علمنا
يا دستورا للبلغاء حيدر حيدر حيدر
يا منهاجا للحكماء حيدر حيدر حيدر
هل حرفت المصدر لا والله يا حيدر

من شريط ولي الله

24 - يا شايل نعش الوالي
يا شايل نعش الوالي ريض مشيتك - تانيني وأرحم حالي وآنه إرتجيتك
أرد أودعه - ومن تشيعه
ريض مشيتك

صحت والهم تبلاني ويلوج المدمع بعيني
يهداك الله يا هالشايل نعش والينا تانيني
أريد تريض الممشى تراني الهضم عاميني
وأهيس نشفت دمومي ولا گطرة بشراييني
لوين بهالنعش گاصد أريدك تسمع ونيني
أسوم عليك أبو الزهرة أودع الوالي خليني
آنه الحرة المظلومة هاي آنه زينب
لمن ينحب لا تلومه گلبي إلتعذب
لا تفجعه - ومن تشيعه
ريض مشيتك

يا شيال النعش ريتك تهون خطوة المسرى
ويا ريتك ترحم بحالي وأودع والد العترة
گبل ما توصل للحده وتخطه وبيدك تحفره
وگبل ما تنظر عيوني أبويه موسد بقبره
أريد اليوم أودعنه وأشمه بموضع الطبرة
وأغسل شيبته بدمعي وحنيني ولهفة الحسرة
وآنه بحسراتي وهمي ظليت أكابر
راح الوالي من يمي بيمن أصابر
وشيرجعه - ومن تشيعه
ريض مشيتك

گبل لا توصل لگبره وتنزل نعشه يا ريتك
شكثر يا مشيع الوالي تمنيت وترجيتك
ويا بو الحملة أريد أحچي وأگله تغيب ما دريتك
عگب عينك يا ضي البيت مظلم يا علي بيتك
يا ريت الموت ياخذني وتعيش إنت تمنيتك
مثل دم طبرتك دمعي يصب وبدمعي واسيتك
أتمنى تعيش بدالي وميتة عساني
يل ما تبعد عن بالي فگدك ولاني
بعيني دمعة - ومن تشيعه
ريض مشيتك

شكثر أتحمل وأصبر وأكابر عالحزن والهم
أطش هموم حسراتي وبعد لحظة ترد تلتم
گبل وجه الولي يا ريت وجهي ينخضب بالدم
ولا هذا النعش ألگاه محمول على چف الغم
أدور بلسم لجرحي شفت بس الدمع بلسم
گلت يتشافى بدموعي الجرح لن أكثر تألم
أقسم وأحلف بالطبرة أتمنى موتي
ناديت بصوت العبرة ما يخفى صوتي
هاك إسمعه - ومن تشيعه
ريض مشيتك

ألوذ بكاسر الويلاه وأطوف بموجة المدمع
وأشيع هالنعش وياك وعسى نعشي الذي تشيع
يا ريت الموت أخذ روحي وأنام بخطة المضجع
ولا أحضر لعند مدفن أبويه الفارس الأنزع
الدهر من زغري يتمني بعد من عنده شتوقع
المصايب تمرح بچبدي وتفطر چبدي وتصدع
راح الوالي ومن بعده دموعي جراهن
وشموع الدنيا بفگده كلهن طفاهن
شمعة شمعة - ومن تشيعه
ريض مشيتك

25 - رأسك أم قلب المختار

رأسك أم قلب المختار - قد خضب عرش الجبار
فيمن أتى - هذا الندا
هدمت أركان الهدى

تنزيه ذاتك ياعلي سر الإله المكنون - عن كل صفات ترفعت وحملت أشرف مضمون
إنت ورسول الله مثل موسى الكليم وهارون - لجل النبي ولجلك خلق رب العرش هذا الكون
لرسول الله العبرات - أم لك تبكي المخلوقات
لفقد من جاء الصدى - هدمت أركان الهدى

إنت ومحمد ياعلي مثل الجسد و يالروح - ييا با الحسن گلب النبي لو راسك أصبح مجروح
ماندري دم المصطفى لو هذا دمك مسفوح - ولا ندري إلمن في السماء هالليلة جبريل ينوح
ولمن يبكي جبرائيل - للتنزيل أم التأويل
وفي العلا صوت بدا - هٌدمت أركان الهدى

ناشدت بأصوات الدمع وإلينشد يريد جواب - هذا رسول الله إنصرع لو علي بوسط المحراب
لن صوت من ركن العرش جاوبني بدموع مصاب - شنهو الفرق بين النبي وبين الوصي داحي الباب
كلٌ يهتف واغوثاه - بمصابك يا أسد الله
مذ جردوا سيف الردى - هدمت أركان الهدى

زمزم مثل دمك نزف لجرحك يريد يواسيه - والكعبة ناحت ياعلي وصبت مدامعها عليك
وتردد أصوات الوحي وتناشدك وتناديك - لوجودك الكون إنوجد شلون التراب يواريك
لولاك مدارُ الأفلاك - ماكانت تسري لولاك
واليوم قد ضاق المدى - هدمت أركان الهدى

الليلة خطف چف الأجل روحك وأربع ارواح - روح الرسول وفاطمة روح العدل والاصلاح
مامن مَلَك إلا وحزن بالعالم العلوي وناح - عقدت نوايحها الشمس وإنحجب وجه المصباح
أبكيت عيون الأحكام - والكون نحيب وظلام
بأي نفس تُفتدى - هدمت أركان الهدى

من شريط متى الملتقى

26 - بشعوري إنرسمت الصورة

بشعوري إنرسمت الصورة وغديت أنحب
إجه المهدي لضريح السيدة زينب
أنه المهدي يقلها والگلب يلهب
بلسان الدمع يحاچيها - وبصرعى الطف يواسيها
صلى وإندعى وأدى الزيارة وزار
وإجه يحاجچي گبرها وبضميره النار
يگقلها يعينچ الله على المصاب إلصار
شلون إصبرتي وشفتي المذبح - بيه دم جدي يسيل ويطفح
وبيا عين شفتي جسمه الموذر
وبكتره صريعة جثة الأكبر
وجسم جاسم بنار المصرع معفر
والعباس إنصابت عينه - وعالشاطي إنگطعت چفينه
اقسم وحگ حرمة خدرچ المسلوب
أحس گلبي مثل نار الخيم منشوب
وعد هذا علينه محتم ومكتوب
صابر وأتنطر ميعادي - أنهض وآخذ ثار اجدادي

27 - يم شاطي الصبر

آنه المنتظر حجة الباري - لثارك يا گمر طال إنتظاري
يل فضخوا هامتك - بيا مصرع جثتك
هزتني مصيبتك - وأبحث عن رايتك
يم شاطي الصبر تنتظرك رايتي وآنه يا الموعود صابر عالجمر

وقعة كربله أعظم رزية - بعيني مسجلة حروف المنية
يا عم يا با الفضل - فگدك ما ينحمل
خله المدمع يهل - لابد يمك أصل
يم شاطي الصبر تنتظرك رايتي وآنه يا الموعود صابر عالجمر

سهم المشرعة صوب دليلي - بروحي مودعة جمرة غليلي
كل نورك يا گمر - غاب بكهف القهر
لثارك شاخص نظر - خاوى عيوني السهر
يم شاطي الصبر تنتظرك رايتي وآنه يا الموعود صابر عالجمر

سبط المصطفى عمرك فديته - بحدود الوفى چفك نطيته
يا المصيوب بعمد - گرب يوم الوعد
بگلبي تحوم الشدد - وشگد أصبر بعد
يم شاطي الصبر تنتظرك رايتي وآنه يا الموعود صابر عالجمر

28 - بريد القلب
يا مهدي بريد القلب وافاك
يا مهدي سئمت العيش لولاك
يا مهدي وعين الله ترعاك
يا مهدي آه يا مهدي

أظل باسمك أردد يا بدر ليلي
بحبر دمعي الك أكتب مراسيلي
موعودٌ من الأصلاب نهواك
موعودٌ متى نحيى بلقياك
موعودٌ وعين الله ترعاك
يا مهدي آه يا مهدي

ذبل غصني بهجير الضيم يا المهدي
شوكت غيمك عليّ بمطرته يندي
في قلبي جعلت الحب أفلاك
في قلبي شعاع من محيّاك
في قلبي وعين الله ترعاك
يا مهدي آه يا مهدي

أمل عندي أشوفك واحتمي بسدك
ويكاحلني الوميض اليدي من خدك
معشوقٌ ودار الحب عيناك
معشوقٌ وكيف القلب ينساك
معشوقٌ وعين الله ترعاك
يا مهدي آه يا مهدي

حملت فكري وشعوري بهودچ أسرارك
ولا أدري تقيم بيا أرض دارك
محجوبٌ متى نحظى برؤياك
محجوبٌ شعاف القلب مرماك
محجوبٌ وعين الله ترعاك
يا مهدي آه يا مهدي

إذا تفرح تهيم بفرحتك روحي
وإذا تحزن تهيّج ساكن جروحي
موتورٌ ويوم الطف أبكاك
موتورٌ أتنسى الوتر حاشاك
موتورٌ وعين الله ترعاك
يا مهدي آه يا مهدي[/size]

29- نارين شبوها القوم

نارين شبوها الگوم - نارين تسعر لليوم
ضلعين انهشمت للعتره - ضلع حسين وضلع العتره
نارين شبوها الگوم - نارين تسعر لليوم

يا الغايب طالت هالغيبه - وانحشمك بدموع العين
ما تخمد جمرة الآمك - تلهب من كسر الضلعين
وش عملوا اشرار الأمه - ضلع الزهره وضلع حسين
كسرين كسروا الأشرار - وكسرين يا ابن الأطهار
يا كسر الي يسهل جبره - ضلع حسين وضلع الزهره

يا الغايب واصعب كل حاله - طفلين انصابوا بصواب
عدوانك هجموا عالزهره - طيحوا محسن يم الباب
صابوا عبدالله بنبلتهم - ومصاب أصعب من مصاب
طفلين غدروا الأشرار - وطفلين يا ابن المختار
يا هو الأكثر يصعب أمره - ضلع حسين وضلع الزهره

يا الغايب نارين بگلبك - تتحمل جمرة يا نار
تتحمل نيران خيامك - لو نار الشبت بالدار
من باب الزهره الملتهبه - حولت لخيام الأطهار
بالباب شبت نارين - بالباب وخيام حسين
بهاي النارين المستعره - ضلع حسين وضلع الزهره

يا الغايب يا يوم وتنهض - تهتف يا ثار المذبوح
والطاغي الصوب ضلع أمك - وأظلمها وخلاها تنوح
هو الآمَر عمتك زينب - للكوفه وللشام تروح
منشوب جمر العبرات - منشوب يُخمد هيهات
والما تنشف الها العبره - ضلع حسين وضلع الزهره

ظلمين انصبن عالعتره - ظلم الثاني وابن زياد
گيدوا رگبة جدك حيدر - للبيعه ومغصوب انگاد
نفس الگيد تحول للطف - واتگيد بيه السجاد
الآم ما ظنها تزول - الآم عنهن شتگول
صوابين وكل واحد جمره - ضلع حسين وضلع الزهره

30 - يالغايب متهتم

يا الغايب ما تهتم لو عندك أنصار - ولثارك تتقدم يا صاحب الثار
حاير صرت يا المهدي - چان ظهرت يا المهدي
لو عندك أنصار

يا حجة بارينه يا خاتم الأطياب - يا إلكسروا ضلع أمك دفعوا عليها الباب
أسبابك معروفة ما تخفى هالأسباب - ما نعتب وعليمن نلوم ونشن عتاب
ما عندك يا المهدي ليوم الشدد أصحاب - مثل إلي بأرض الطف ضحوا مهج ورگاب
هالصفوة وقائدهم كعبة الأحرار - لو عندك من عندهم بالحرب ثوار
بيهم ثرت يا المهدي - چان ظهرت يا المهدي
لو عندك أنصار

هالصفوة إستصفاهم رب العلى القيوم - من ثاروا بالحومة ورغموا أنوف الگوم
هالنخبة بيوم الطف مثل النسور تحوم - وإكتسبوا همتهم من همة المظلوم
ما هابوا كل ظالم ولا هابوا المحتوم - يا الغايب ولجدك بذلوا مهج ودموم
وإنتفضوا عالغاصب ما هابوا أخطار - لو تملك يا الغايب هالصفوة الأطهار
ما تأخرت يا المهدي - چان ظهرت يا المهدي
لو عندك أنصار

من عابس أبديها ويتوضح المضمون - لمن طب ميدانه يشهد إله الكون
دب سيفه وراح أعزل والعسكر يشوفون - لن واحد ظل يسأل أعزل تروح شلون
يا عابس چن عقلك جن وصرت مفتون - لن جاوب أي والله بحب السبط مجنون
أشرح لك هالموقف هذا الذي صار - لن دمعك ظل ينزف وجريت الأعبار
وتأثرت يا المهدي - چان ظهرت يا المهدي
لو عندك أنصار

وأحچي لك يا المهدي عن موقف إبن القين - يم جدك سل سيفه وللحومة دار العين
لن يهتف إرخصني أفدي النفس يا حسين - وترخص من جدك وتوسط الجيشين
والعسكر ظل يرجف ما يدري دربه منين - وتقدم هالفارس وروحه إنتزعها البين
وإستشهد وتوذر بحدود الأشفار - يا الغايب ما تگدر تسمع هالأخبار
شلون گدرت يا المهدي - چان ظهرت يا المهدي
لو عندك أنصار

وعن الحر أروي لك يا حجة الرحمان - خصص كل مجهوده وناصر بني سفيان
وتندم عن فعله وتحرك الوجدان - لن يهتف يم جدك تعنيت إلك ندمان
جاوب يا هالتايب يغفر لك الديان - صفحة عز سجلها وخطها بدمى الشريان
طبع الحر ما يصبر ولا يحمل العار - لو عندك مثل الحر تشهر البتار
وتحيرت يا المهدي - چان ظهرت يا المهدي
لو عندك أنصار

هاك إسمع يا الغايب صوت البواسل صاح - يا فارس يتقدم تقدم حبيب وراح
وظل خايف من عزمه كل مجرم وسفاح - وإستقبل هالثاير سيوف ونبل ورماح
وإستشهد لجل الحگ لحگ المراجل طاح - جدك كل أنصاره للحگ نطت أرواح
يا وارث كل عزمك من إلحمى الجار - وحگ كسرت ضلع أمك نفدي لك أعمار
وش فكرت يا المهدي - چان ظهرت يا المهدي
لو عندك أنصار

أمرك لاشك يرجع للخالق المعبود - ونعاهد من تظهر وبيومك الموعود
نفدي لك كل دمنه ورب الجلالة شهود - يا الصاحب تلگانه أنصار إلك وجنود
نتأمل عالموعد نورك علينه يعود - نرخص لك كل غالي لمن ترد ردود
انصارك ننتظرك يا سر الأسرار - يا الصابر كل عمرك من جور الأشرار
ما قصرت يا المهدي - چان ظهرت يا المهدي
لو عندك أنصار

من شريط بعد ما أشوفك

31 - حسين يا حسين
حسين يا حسين حكم القضاء جاري - هبت رياح البين والأمر للجبار
لا تبكي يا مظلوم - فلنحكي يا مظلوم

إمسح دمعة عينك يا بني وإسمع يا حسين
آنه الوالد حيدر وإنت ثاني السبطين
هالليلة وياكم أتوادع بدموع العين
باچر أتوارى وأتوسد بتراب البين
اليوم يوم الأجر أسلمت للأقدار - صبراً فإن الصبر من شيمة الأبرار
لا تبكي يا مظلوم - فلنحكي يا مظلوم

يا حسين آنه الموت الأحمر وآنه الزلزال
وآنه إلما فارس يدنى لي ذليت أبطال
هاليوم الدنيا تسلمني چف الآجال
بعينك شفت براسي الطبرة ودم إلي سال
في االكون يعلو صوت يا حيدر الكرار - قد فتحت للموت بوابة الأعمار
لا تبكي يا مظلوم - فلنحكي يا مظلوم

جبريل يصيح وينعاني وصوته يوافيك
كل الأملاك بهالمحنة اليوم تواسيك
من گبل الموت إسمع مني يا بني وأوصيك
إصبر يا حسين وبارينه بلطفه يجازيك
نشكو عظيم الخطب للواحد القهار - ذا خطبنا في القلب أوغى لهيب النار
لا تبكي يا مظلوم - فلنحكي يا مظلوم

باچر إنت يتيم تصبح وتجرع آلام
وتعلم يا بني عليك شتفرض هاي الأحكام
تحفظ حگ دين الله وتحفظ حگ الأيتام
وتروي بدم نحرك بذرة دين الإسلام
ها أنت يا بن الطهر ريحانة المختار - مهلاً وأنت الحر بل كعبة الأحرار
لا تبكي يا مظلوم - فلنحكي يا مظلوم

من يتشيع نعشي وجسمي تضمه التربان
لا تستغرب لمن تنظر دفن الجثمان
راح أتغسل آنه وجسمي تلفه الأچفان
وإنت تظل دامي وما يحضر يمك دفان
لما تفيض النفس والجسم في المضمار - فوق الثرى والرأس في ذروة الخطار
لا تبكي يا مظلوم - فلنحكي يا مظلوم

32 - بعد ما أشوفك

أخاف من أعوفك - بعد ما أشوفك
إذا ماتجيني اقدر ظروفك
طويلة رحلتي - واخاف برجعتي
بعد ما أشوفك

يعباس إختك آنه ولا تبارحني - چنت إنت إلتمسيني وتصبحني
بفرگتك ذلتي وشوفك يفرحني - وكلام الشامت بفرگاك يجرحني
يريت الموت أخد روحي ويريحني - وإذا أنساك الله لا يسامحني
أخاف أشتكيلك - وأعذب دليلك
وأريد بدموعي أبرد غليلك
تودعك دمعتي - واخاف برجعتي
بعد ما أشوفك

أودعك يابن أبويه ولليسر اطلع - وأعوفك بدر غايب نوره بالمصرع
مثل جسمك توذر گلبي و تگطع - وكلامي وياك صار يترجمه المدمع
إذا أرجع يخويه شراح أتوقع - إذا أرجع أشوفك بعد من أرجع
أباصر دليلي - بسفرتي ورحيلي
گلت له عجيبة أفارگ كفيلي
على فگدك حسرتي - وأخاف برجعتي
بعد ما اشوفك

أصيحن وإليموت شينفعه الصايح - سكتت ودموعي جدول عالوجن سايح
غصب عني أعوفك والضغن رايح - بلا توديع أتركك عالنهر طايح
تعاتب لا تعاتب و العتب جارح - تودني و إليود من شيمته يسامح
ضعنه برواحة - يريد السماحة
تسير الضعينة بونين ونياحة
تنشدك مهجتي - وأخاف برجعتي
بعد ما اشوفك

أنشدك لو مشيت بضعني وأتيسر - تگقدر تنهض تشد الضعن تقدر
اذا بسياطه خصمك يضرب الخدر - تگدر تحمي عيلة وسايرة بهالبر
اذا چتالك بمجلس شتم حيدر - تگدر تجي هناك تدافع وتحضر
اذا وگفونه -بمجالس عدونه
حرم وإحنه نسمع يشتمون أبونه
شينشف عبرتي - وأخاف برجعتي
بعد ما أشوفك

إذا مسبية من يمك رحت ومشيت - وعني ما گمت يا با الفضل حاميت
اذا مجلس دخلت وحايرة ظليت - إذا حشمتك وللنخوة ما لبيت
العذر مقبول منك خوية لو ماجيت - شلون تگوم وإته بس جسد ظليت
ياجمرة حنيني - يعذرك ونيني
عسن مني گطعوا يساري ويميني
شيرجع لهفتي - وأخاف برجعتي
بعد ما أشوفك

شخلت ساحة الطف خذت مني حيول - شحچي ويا النهر والسهم والعامود
فطر چبدي العطش من نار سهم الجود - إذا تسكن لحد أسكن يخويه لحود
للطف يبن أبويه الضعن من يعود - أخافن ما أشوفك لو رجعت ردود
يطول غيابي - وأجيك بمصابي
إذا ما لگيتك تزيد عذابي
تهيج جمرتي - وأخاف برجعتي
بعد ما أشوفك

.. عايلة او أيتام ..

عايلة او أيتام من الشام ردينه - خل نعد اهموم يا مظلوم خلينه
تشرح لك ادموع العين كل مآسينه

ابمهج تنثر جمر واگلوب حزنانة - رجعنه امن اليسر والروس ويانه
إلك يا حسين نشرح هضم ديانه - الدهر تدري الدهر يا صوب ودانه
مشانه ابيسر وابحيرة خلانه - ما بين إبن هند او إبن مرجانة
سال دمع العين والعبرات نجريها - جينه كل ما صار من أخبار نرويها
يمك يا بو اليمة اليوم بالحزن جينه

جسد عفناك دامي او عالثرى امگطع - رجعنه إلگينه ذاك الجسد بالمضجع
إكشف ذاري گبرك يا شهم وإسمع - نروي لك أخبار اليسر بالمدمع
عفناكم جثث كل واحد ابمصرع - چتالك أمرنه لليسر نطلع
سار حادي النوگ والأجساد عافوها - روسكم يا حسين فوگ ارماح شالوها
وإلحز وريدك بالسيف صار حادينه

عگب فرسان غالب عگب عزتنه - او عگب هيبة خدرنه او ذيچ حشمتنه
لن خيل او محاشد زلم حاطتنه - بعد سلب الخدر هالگوم يسرتنه
غدت نوگ السبي اتون اعلى ونتنه - او حتى الخيل تتباچى اعلى حالتنه
وينكم ناديت يامن جيت بحماكم - رغم كل ما صار لا تظنون ننساكم
ما نعتقد يا الأكرام إنتوا ناسينه

عيلة إتمحنت والدهر سابيها
رجعت بالدمع لگبور أهاليها
كل وحدة إجت يم گبر واليها
نسوان او أطفال او رضع - ما ظل عندهم غير المدمع
وحدة ابهمها تصرخ بويه يا مظلوم
وحدة اتصيح يا اوليدي يا جسام گوم
وحدة اتصيح يا الأكبر إجيت اليوم
يا وليدي إتعنيت إلگبرك - ريت إنحز نحري او لا نحرك
وحدة اتصيح أجيب الصبر يا إبني امنين
وحدة اتصيح يا عبد الله گبرك وين
زينب راحت اتدور على الچفين
اتعنت للشاطي ابلوعتها - تعثر وتگوم ابحسرتها
گصدت للنهر كل ظنها راح تشوف
جثة اموسدة او جود او علم وچفوف
شافت بس گبر وإشتد عليها الخوف
طاحت يم گبر إلكافلها - اتصيح او لا صوت إيرد إلها

غصب عنكم يا بو السجاد يسرونه - على اظهور الهزل يا حسين رچبونه
ابولية فاجد الشيمة تولونه - ابغير الصوط ما چانوا يحاچونه
ابدهاوين اليسر للكوفة دخلونه - وبمجلس إبن مرجانة وگفونه
الكوفة هاي او ريت لا طبيت للكوفة - او لا أشوف أطفال بالأغلال مچتوفة
والشامت اعيونه اسهام غدت ترمينه

غصص بالكوفة كابدنه او حملناها - او مصايب ما تمر عالبال شفناها
الكوفة لمن إطلعنه او تركناها - للشام ابهضم رحنه او گصدناها
الشام وافقتنه ابرزاياها - من ساعة إلطبينه او دخلناها
إستقبلتنه الناس بالأفراح مصحوبة - او لن تشوف الروس فوگ ارماح منصوبة
وإحنه اعلى جمرات الآه إلها طبينه

الشام اشعملت ابوالدنه حامي الجار - مثل ما صار عالوالد علينه صار
او راسك عالرمح يا ضنوة المختار - مثل حمل المصاحف حملته الأشرار
إبثغرك عصى ايزيد اشخلفت آثار - إنشد راسك او يروي لك الأخبار
عگب ذاك الظيم جينه اليوم يم گبرك - او منهل العبرات يجري ادموم ويخبرك
ابدار الغرب يا مظلوم لا تخلينه

يم گبرك وصلنه واليتامة اتلوب - نشوف ابكل طفل لوعة نبي يعقوب
چن طفلة تناديك ابدمع مسچوب - ما عندك يا بو اليمة صبر أيوب
نتحمل مرارات او محن چم دوب - او على حمل الصبر ما ظلت إلنه اگلوب
نندفن يا ريت كلنه اوياك وبلحدك - هالعمر لا طال يا مظلوم من بعدك
منهو الذي ايردنه اردود لأرض المدينة

باسم الكربلائي

ابا الحسن ياعلي ابن موسى الرضــا

بمحراب جرحك صلى فمي تبارك جرحك من ملهمي لأأشرب منه رحيق الولائي واروي غليل الزمان الضمي

فأنت ابن موسى وأنت الرضا كريم حوى المجد من اكرمي وانك سور بناه الأله به شرعه المصطفى تحتمي

لسلطان مجدك ذل الزمان وذلت له هامه الأنجمي بصبرك زلزلت عرش الضلالي وجرعته غصه العلقمي

كما راح قبل بوادي الطفوفي حسين يزلزله بالدمي واسمك بلسم جرح القلوب تبارك اسمك من بلسمي

تألق فانت نشيد السمائي على بابك المنتهى ترتمي وأنت المنار واي الشموسي لقرءان وجهك لاتنتمي

فياكوكب العقل اما دجى تلئلئت في افقه المضلمي وياعروة الله ماخاب من تمسك في نهجك الأقومي

يظل ضريحك مأوى الطريدي اذا فر من دهره الأشئمي تشد البرايا اليه الرحال من مستجيرآ ومسترحمي

ويهفو له البيت والمروناني وتسعى له مقلت زمزمي وياقبه تزدهي كل يوم به جبهه الكوكب الأعظمي

الشيخ حسين الاكرف/ عبدالله القرمزي

آآآآآآآآآآآنا بنتك رقيه
آآه دارها آآآه داريها
داريها ,, حيرانه دايرها
داريها داريها حيرانه داريها
يا راس ابوها من الى الطفله رقيه
عينك عليها وانت فوق الزمهرية

داريها داريها

آآنه بنتك حايره تخليني وحدي
من ينشف دمعتي الا تجري على خدي
جم رقيه عندك وجم والي عندي
ودي يا بويا اشوفك والله ودي
من غبت عني وانا بهمي وعذاب
كنت ارجي ينتهي هذا الغياب
كنت اناجي والصدى يرد الجواب
لاتقلي رجعتك واحنه وهم سراب
من ليها من ليها يتحنن اعليها

طفله وقلبها عاليتم والبلوه توه
تحرمها يا والدها من عطف الابوه

داريها داريها

داريها داريها حيرانه دريها
داريها داريها حيرانه داريها
يا راس ابوها من الى الطفله رقيه
عينك عليها وانت فوق الزمهرية

داريها داريها

انتظرك يا نه وطال انتظاري
منهو يتحنن عليي ويطفي ناري
انشدك يم مجفن بلفة بواري
من يداريني ولفادي يداري
فتح عيونك وحاجي الفاقده
يا جفيت اناشذنب مني سدى
ما جنت أحسب يصيبك هالاذى
من سقاني من اليتم ساقي الردى
واسيها واسيها وعاين مآسيها
مرعوبه محتاجه الايادي و امانه
يمسح ايتمها وكل ألمها من حنانه

داريها داريها

داريها داريها حيرانه دريها
داريها داريها حيرانه داريها
يا راس ابوها من الى الطفله رقيه
عينك عليها وانت فوق الزمهرية

داريها داريها

وجنتك يا راس ابويا شلي بيها
والثنايا مهشمه بالله عليها
ضاعت ابنيتك يا بوها صد اليها
منظرك نساها غربتها وسبيها
بالطشت راسك عسى راسي فداك
شحتمل وآنه الا ما اتحمل جفاك
انت تآمرني و لو موتي دواك
رد اليي بويا لو خدني معاك
ناغيها ناغيها يا راس وحاجيها
توها صغيره فيها كسيره فيها ضيمة
مو انت خيمه خيمه لليتيمِ ولليتيمه

داريها داريها

داريها داريها حيرانه دريها
داريها داريها حيرانه داريها
يا راس ابوها من الى الطفله رقيه
عينك عليها وانت فوق الزمهرية

داريها داريها
آآه دارها آآآه داريها
داريها ,, حيرانه دايرها
داريها داريها حيرانه داريها
يا راس ابوها من الى الطفله رقيه
عينك عليها وانت فوق الزمهرية

داريها داريها

آآنه بنتك حايره تخليني وحدي
من ينشف دمعتي الا تجري على خدي
جم رقيه عندك وجم والي عندي
ودي يا بويا اشوفك والله ودي
من غبت عني وانا بهمي وعذاب
كنت ارجي ينتهي هذا الغياب
كنت اناجي والصدى يرد الجواب
لاتقلي رجعتك واحنه وهم سراب
من ليها من ليها يتحنن اعليها

طفله وقلبها عاليتم والبلوه توه
تحرمها يا والدها من عطف الابوه

داريها داريها

داريها داريها حيرانه دريها
داريها داريها حيرانه داريها
يا راس ابوها من الى الطفله رقيه
عينك عليها وانت فوق الزمهرية

داريها داريها

انتظرك يا نه وطال انتظاري
منهو يتحنن عليي ويطفي ناري
انشدك يم مجفن بلفة بواري
من يداريني ولفادي يداري
فتح عيونك وحاجي الفاقده
يا جفيت اناشذنب مني سدى
ما جنت أحسب يصيبك هالاذى
من سقاني من اليتم ساقي الردى
واسيها واسيها وعاين مآسيها
مرعوبه محتاجه الايادي و امانه
يمسح ايتمها وكل ألمها من حنانه

داريها داريها

داريها داريها حيرانه دريها
داريها داريها حيرانه داريها
يا راس ابوها من الى الطفله رقيه
عينك عليها وانت فوق الزمهرية

داريها داريها

وجنتك يا راس ابويا شلي بيها
والثنايا مهشمه بالله عليها
ضاعت ابنيتك يا بوها صد اليها
منظرك نساها غربتها وسبيها
بالطشت راسك عسى راسي فداك
شحتمل وآنه الا ما اتحمل جفاك
انت تآمرني و لو موتي دواك
رد اليي بويا لو خدني معاك
ناغيها ناغيها يا راس وحاجيها
توها صغيره فيها كسيره فيها ضيمة
مو انت خيمه خيمه لليتيمِ ولليتيمه

داريها داريها

داريها داريها حيرانه دريها
داريها داريها حيرانه داريها
يا راس ابوها من الى الطفله رقيه
عينك عليها وانت فوق الزمهرية

داريها داريها

:1:لاتلوموني

لاتلوموني لا لاتلوموني جنني حب حسين لاتلوموني
ماتمنعوني لاماتمنعوني بمحبتي لحسين لاماتمنعوني

ساكن بروحي ساكن ساكن بروحي
حسين ابو السجاد ساكن بروحي
بلسم جروحي جروحي بلسم جروحي
لجروحي هو ضماد بلسم جروحي

لاتلوموني لا لاتلوموني جنني حب حسين لاتلوموني
ماتمنعوني لاماتمنعوني بمحبتي لحسين لاماتمنعوني

لوقطعوني لو قطعوني
ماجوز انه من حسين لوقطعوني
هاكم عيوني هاكم عيوني
هو النظر للعين هاكم عيوني

لاتلوموني لا لاتلوموني جنني حب حسين لاتلوموني
ماتمنعوني لاماتمنعوني بمحبتي لحسين لاماتمنعوني

جن عقلي واختار جن عقلي واحتار
فحب ابن داحي الباب جن عقلي واحتار
لو عمري يندار لو عمري يندار
كل عمري انه افديه لو عمري يندار

لاتلوموني لا لاتلوموني جنني حب حسين لاتلوموني
ماتمنعوني لاماتمنعوني بمحبتي لحسين لاماتمنعوني

لبن الزجية لبن الزجية
اهدي القلب والعين لبن الزجية
روحي هدية روحي روحي هدية
اهدي العمر لحسين روحي هدية

لاتلوموني لا لاتلوموني جنني حب حسين لاتلوموني
ماتمنعوني لاماتمنعوني بمحبتي لحسين لاماتمنعوني

بيه انه مفتون بيه انه مفتون
يسري ويه دم اعضاي بيه انه مفتون
ياللي تلوموني ياللي تلوموني
حبه ثبت في حشاي ياللي تلوموني

لاتلوموني لا لاتلوموني جنني حب حسين لاتلوموني
ماتمنعوني لاماتمنعوني بمحبتي لحسين لاماتمنعوني

لو تنقطع لو تنقطع هاي
موجود اظل وياك لو تنقطع هاي
زاد انت والماي زادي زاد انت والماي
ماعيش انه بلاياك زاد انت والماي

لاتلوموني لا لاتلوموني جنني حب حسين لاتلوموني
ماتمنعوني لاماتمنعوني بمحبتي لحسين لاماتمنعوني

الرادود نزار القطري : يــامــحــمــد
على طيبة

على طيبة يالله انروح وانداوي قلب المجروح
وانشاهد تلك الحضرة فيها حبيب الروح
على طيبة على طيبة على طيبة يالله انروح

والله لروح البقيع
وابوس اتراب الشفيع
وقبل ذاك الضريح
طه يا روح الروح

بجلس كالعبد المطيع
في حضرة ورد الربيع
صاحب الخلق الرفيع
طه ياروح الروح

سبحان رب السواك
ليلا للعلا علاك
للعرش العالي وداك
طه يا روح الروح

لحظة ما بقدر انساك
عايش كل عمري ابذكراك
ما تحله العيشة ابلياك
طه يا روح الروح

مية زمزم محلاكي
طه ساكن بحذاكي
سبحان من سواكي
مائك بلسم لجروح

جل الذي أجراكي
من ألبي أنا بهواكي
ابدمي وروحي بفداكي
مائك بلسم لجروح

والكعبة نور اعيوني
روحي ابحبها مجنوني
هي الدوا لجفوني
ونا بفديها بالروح

راحوا ليها وتركوني
معكن ليها ودوني
ابنص الحرم خلوني
ونا بفديها بالروح