: قصائد مكتوبة : لطميات : مواليد : أناشيد :

[size=18] [center]السلام عليكم ورحمة الله وبركاته

بفتح موضوع خاص لقصائد مكتوبة فقد قررت ان افتح موضوع جديد و أن اسميه || : قصائد مكتوبة : لطميات : مواليد : أناشيد : ...

سيكون الموضوع مخصص لقصائد مكتوبة ...و إن شاء الله سنعمل جميعا ً على اغناء هذا الموضوع
بكل ما هو جديد من قصائد مكتوبة و سنعمل سويا ً لذلك...

نسأل الله أن يجعل جزاء صالح هذا العمل في ميزان أعمال المؤمنين والمؤمنان

يدا ً بيد لنجعل منتدى الصوتيات و التسجيلات الاسلامية افضل المنتديات...

و الله ولي ّ التوفيق
-=-=-=-=-=-
من مشرف القسم : حلم شاعر: أشكرك على الفكرة الجبارة : والباردة لنجاح القسم
وسنكون يداً بيد بإذن الباري الواحد الأحد

مشكور أخي صوت الرايه
على الفكره الرائعه
بما أنها تنصب في خدمة أهل البيت عليهم السلام
واتمنى من جميع الاعضاء التفاعل

وتحياتي لك

بِسم اللّه الرَحمَنِ الرَحيِم

اللَهّمَ صَلِ عَلَى مُحَمَدٍ وَ آلِ مُحَمَد وَ عَجِل فَرَجَهُم وَ العَن أعدائَهُم إِلى قِيامِ يَومِ الدِين
أنا شيعي

أنا شيعي أنا شيعي .. وأفتخر بأسمي

أنا شيعي أنا شيعي .. أو حب علي بدمي

قدوتي كل المراجع .. والنبي وآله أتابع

...

المراجع نور واحد كلهم أسيادي .. من نبع واحد نهجهم عترة الهادي

واليخالف مانريدة وهو المعادي .. حيدر الوالي أميري والولى بلادي

يبقى حبة يبقى حبة .. يجمع الشيعة

يبقى حبة يبقى حبة .. والله مانبيعة

قدوتي كل المراجع .. والنبي وآله أتابع

...

خذها مني يالموالي وأفهم الكلمة .. هالمراجع هم إلنا أنجوم للأمة

واليعاديهم حقود أو ناكر النعمة .. الله بكتابه رفعهم منبع الرحمة

والشريعة والشريعة .. تفتخر فيهم

والشريعة والشريعة .. أتنورت بيهم

قدوتي كل المراجع .. والنبي وآله أتابع

...

لاتقول أنا شيرازي وأنا سيستاني .. لاتقول أنا أحقاقي وأنا روحاني

خامنئي لاتقول أو هم خرساني .. لاتقول أنا تبريزي وأنا ميلاني

كلنا شيعة كلنا شيعة .. والنهج واحد

كلنا شيعة كلنا شيعة .. وحيدر القائد

قدوتي كل المراجع .. والنبي وآله أتابع

...

والبقية من المراجع والنعم فيهم .. لاتظنوني يشيعه بشعري ناسيهم

لكن أبيات القصيدة ماتوفيهم .. خادم إلهم عمري كلة بروحي أهديهم

أدعي الله أدعي الله .. ربي يحفظهم

أدعي الله أدعي الله .. ننعم بظلهم

قدوتي كل المراجع .. والنبي وآله أتابع

...

أقسم عليكم يشيعه بجاه مهدينا .. خل نحامي أعلى الولاية أبكل أيادينا

وأجتهادات المراجع رحمة تسقينا .. وهم وأهل بيت النبوة بس ينجينا

والمعادي والمعادي .. يسمعنا

والمعادي والمعادي .. مايفرقنا

قدوتي كل المراجع .. والنبي وآله أتابع

...

من أصدار قلبي علي

من كلمات وأداء الأستاذ صلاح الرمضان

بسم الله الرحمن الرحيم
اللهم صلِّ على محمد و آل محمد

قصيدة غرد الطير
للشاعر: أحمد الستراوي

ــــــــــــــــــــــــــــــــــــ
غرد الطير وتغنى
مولد الصادق والهواء سابق
غرد الطير وتغنى
--------------------------
غرد علينا طير من رب السما
ينثر بشارة من علي ومن فاطمة
يزف التهاني في الليالي المظلمة
يرفع هلاهل للأصول الغانمة
هلت تغاريد الفرح في مولده
طل بجماله صادق أقوال وفعل
علمه غمامة وبمطرها تبتهل
هنوا البتولة بمولده هذا الشبل
أنواره عمت وبأياديه الفضل
هلت تغاريد الفرح في مولده
دور الكاس وتهنى
مولد الصادق والهواء سابق
دور الكاس وتغنى
--------------------------
حور وملايك زغردت في مولده
تمشي وتبشر هالخلايق فرقده
هذا الموالي في حياته جسده
وحتى المعاند اسمه دوم يردده
هلت تغاريد الفرح في مولده
رب البرايا من علينا بمظهره
من عالم الذر في علومه صوره
في صلب طاهر من كماله وطهره
حاز المكارم وعالمفاخر مفخرة
هلت تغاريد الفرح في مولده
مرتفع باسمه علمنا
مولد الصادق الهواء سابق
مرتفع باسمه علمنا
--------------------------
محلا الصبايا لابسة ثوب النشل
تحمل بيديها وردة ما منها مثل
كلها نبوة والإمامة في الشكل
من طه تبدي ومن عليها تكتمل
هلت تغاريد الفرح في مولده
شيلوا المسره بمولده لين الصبح
علقوها زينة وزخرفوها بالفرح
قلب الموالي لو انه دايم منجرح
زيدوا له سكر هالملوحة تنطرح
هلت تغاريد الفرح في مولده
للحفل كلمن تعنى
مولد الصادق والهواء سابق
للحفل كلمن تعنى
--------------------------

بسم الله الرحمن الرحيم
اللهم صل على محمد و آل محمد

.. أخاف امن اعوفك ..
للرادود: باسم الكريلائي ، الشاعر الأديب جابر الكاظمي

أخاف امن اعوفك..أخاف امن اعوفك..أخاف امن اعوفك..أخاف امن اعوفك ..

أخاف امن اعوفك بعد ما أشوفك اذا ما تجيني أقدر ظروفك
أخاف امن اعوفك بعد ما أشوفك اذا ما تجيني أقدر ظروفك
طويله رحلتي وأخاف برجعتي بعد ما أشوفك

يا عباس اختك آنا ولا تبارحني
چنت انته تمسيني وتصبحني
فرقتك ذلتي وشوفك يفرحني
كلام الشامت بفرقاك يجرحني
يا ريت الموت أخذ روحي ويريحني
إذا أنساك الله لا يسامحني ..
أخاف أشتكيلك وأعذب دليلك وأريد بدموعي أبرد غليلك
تودعك دمعتي وأخاف برجعتي بعد ما أشوفك

أخاف امن اعوفك بعد ما أشوفك اذا ما تجيني أقدر ظروفك
أخاف امن اعوفك بعد ما أشوفك اذا ما تجيني أقدر ظروفك
طويله رحلتي وأخاف برجعتي بعد ما أشوفك

أودعك ياابن ابويه او لليسر أطلع
واعوفك بدر غايب نوره بالمصرع
مثل جسمك توذر قلبي وتقطع
كلامي اوياك صار يترجمه المدمع
اذا ارجع يا خويه اشراح اتوقع
اذا ارجع اشوفك بعد من ارجع ..
اباصر دليلي سفرتي ورحيلي قلت له عجيبه افارق كفيلي
اعلى فقدك حسرتي واخاف برجعتي بعد ما أشوفك

أخاف امن اعوفك بعد ما أشوفك اذا ما تجيني أقدر ظروفك
أخاف امن اعوفك بعد ما أشوفك اذا ما تجيني أقدر ظروفك
طويله رحلتي وأخاف برجعتي بعد ما أشوفك

أصيحن واليموت اشينفعه الصايح
اسكتت وادموعي جدول عالوجن سايح
غصب عني اعوفك والظعن رايح
بلا توديع اتركك عالنهر طايح
تعاتب لا تعاتب والعتب جارح
تودني واليود من شيمته يسامح ..
ظعنه برواحه يريد السماحه تسير الظعينه بونين ونياحه
تنشدك مُهِجْتي وأخاف برجعتي بعد ما أشوفك

أخاف امن اعوفك بعد ما أشوفك اذا ما تجيني أقدر ظروفك
أخاف امن اعوفك بعد ما أشوفك اذا ما تجيني أقدر ظروفك
طويله رحلتي وأخاف برجعتي بعد ما أشوفك

أنشدك لو مشيت بظعني وأتيسر
تقدر تنهض اتشد الظعن تقدر
اذا بسياطه خصمك يضرب الخِدّر
تقدر تحمي عيله وسايره بهالبر
اذا چتالك بمجلس شتم حيدر
تقدر تجي هناك اتدافع وتحضر ..
اذا وقفونا بمجالس عدونا حرم واحنا نسمع يشتمون ابونا
شينشف عبرتي واخاف برجعتي بعد ما أشوفك

أخاف امن اعوفك بعد ما أشوفك اذا ما تجيني أقدر ظروفك
أخاف امن اعوفك بعد ما أشوفك اذا ما تجيني أقدر ظروفك
طويله رحلتي وأخاف برجعتي بعد ما أشوفك

اذا مسبيه من يمك رحت وامشيت
عني ما قمت يا باالفضل حاميت
اذا مجلس دخلت وحايره ظليت
اذا حَشّمتَك وللنخوه ما لبيت
العذر مقبول منك خويه لو ما جيت
اشلون تقوم وانته بس جسد ظليت ..
يا جمرة حنيني يعذرك ونيني عسن مني قطعوا يساري ويميني
شيرجع لهفتي وأخاف برجعتي بعد ما أشوفك

أخاف امن اعوفك بعد ما أشوفك اذا ما تجيني أقدر ظروفك
أخاف امن اعوفك بعد ما أشوفك اذا ما تجيني أقدر ظروفك
طويله رحلتي وأخاف برجعتي بعد ما أشوفك

اشخلّت ساحة الطف خذت مني عيون
شحجي اويا النهر والسهم والعامود
فطر جبدي العطش من نار سهم الجود
اذا تسكن لحد اسكن ياخويه الحور
للطف ياابن ابويه الظعن مني يعود
اخافن ما اشوفك لو رجعت ردود ..
يطول غيابي واجيك بمصابي اذا ما لقيتك تزيّد عذابي
تهيّج جمرتي واخاف برجعتي بعد ما أشوفك

أخاف امن اعوفك بعد ما أشوفك اذا ما تجيني أقدر ظروفك
أخاف امن اعوفك بعد ما أشوفك اذا ما تجيني أقدر ظروفك
طويله رحلتي وأخاف برجعتي بعد ما أشوفك

القصيدة الأولى: الشاعر الأديب جابر الكاظمي

حسين مني وأنا من حسين
ـــــــــــــــــــــــــــــــــــــــــ
(موشح)

چـــبد أبـــو اليمه السهم من صابه صوّب إبــچــــبد الــرسول اصوابه

* * *

عگــــب مـــا ودّع أبو اليمه الحرم وطلع آخر طــــلعه مــن بين الخيم

إخــــذ وطــــر المرجله ولن السهم صاب چــــبده ومــــا خـــط صوّابه

* * *

حسيـن بصواب السهم بالچبد حس وأشد من طعن الرماح السهم مس

أحنه صدره فوگ كربوس الفـرس ودمه صوابه لوجهه صار اخضابه

* * *

السـهم مض وصار مطلاعه الظهر وچــــن المــــحتّم لبــو اليمه سدر

جبــــهته مفضوخة بصواب الحجر وبــــعد بس سيــــف الشمر طلاّبه

* * *

صــــاح بـسم الله ومله الچف بدمه صابــــر ومحـــتسب وارما للسمه

نــــزل للمصــرع بأصاويب وضمه وعيــــنه ظلّت شابحه أعله أطنابه

* * *

شــــــاهد العـــــسكر عــالخيم هجم صــــــاح يـــــالما إلكم اذمام وشيم

اگصـــــدوني ولا تـــروعون الحرم وللخـــــدر لا تـــــهتكون إحـــجابه

* * *

والشـــــمر جــــاوبه حگّك هالطلب وطــــلّع الجـــيش التوسط بالطنب

وللــجريمه السـيفه من غمده جذب إشـــلون سيـف اللي الشمر جذّابه

* * *

ســــيف شر والشر يلوح ابصاحبه وابــــن ســـــعد لــــهالمهمه نادبه

الگطع منحر خامس أصحاب العبه رِگـــه صــــدر ابن النبي وما هابه

* * *

فــــوگ صـــــدر حسين أثنه ركبته وللــــذبح وسّــــط الســيف برگبته

الــــراس فوگ الرمح زينب شافته ويّـــه راــسه تلوح روس أصحابه

* * *

عـــالخيم اگبــــــلت غارات الخيول من خيمهن طلـــــعن بنات الرسول

شــــافن إعلــه حسين خيّاله تجول وچــــفّنه المــــصرع بذاري ترابه

* * *

إطـلعت زينب مـن خدرها المنسلب شـــاهدت حـــــرگ المخيم والنهب

مــــثل نـــــار البـــالخيم نار الگلب نــــار مــــا تطـــــفه وبــگت لهّابه__________________
روحي عسى دربك بساتين وازهار

روحي وغيري بالمخاليق تلقين

صحيح لك بالقلب حشمة ومقدار

لكن شسوي لك اذا ماتحسين

هذاحديث العليلة للشيخ حسين وصراحة مرة أحبها وكلماتها مؤثرة ...
حديث العليلة .

على وين .. و هذا حالي .. و إنته الصبر
يا حسين .. و كل سؤالي .. ليش الهجر

أنا روحك فاطمة .. و تخليني يا غالي

يَلبالضعينة مشى و هجرني .. وسفة و لا ذكرني .. عذابي غريب
لم الأحبة و لا انتظرني .. و أعذره لو عذرني .. ظلامي رهيب

كلما رجيته .. و بالدمعه جيته .. طفلة على باب الدار
يمكن عليله .. و أكسر دليله .. لكن نظر لي و دار

و شفته يغيب ..

و لا غاب وسط خيالي .. ويا الحزن
في عذابي و إعتلالي .. ضليت أحن

من يعوضني الحنان .. و يضمن لي دلالي
*** *** ***

على وين .. و هذا حالي .. و إنته الصبر
يا حسين .. و كل سؤالي .. ليش الهجر

أنا روحك فاطمة .. و تخليني يا غالي

تسهر دمعتي في كل مسية .. و الولة الي بيه .. رسم لي خيال
الأكبر سكينة علي رقية .. ماحد يرد عليه .. و في ﮔـللبي سؤال

عبدالله وينه .. وحشتني عينه .. حب مثله ما حبيت
صَدِﮒ يَبويه .. ما شفت أخويه .. يحبي بوسط هالبيت

و أﮔـله تعال ..

صدى لو حمر في بالي .. و ما شفت أحد
و إلى روحه شوﮒ يلالي .. فرش المهد

و أنا الولي المهده .. يا بعد فاطمة غالي
*** *** ***

على وين .. و هذا حالي .. و إنته الصبر
يا حسين .. و كل سؤالي .. ليش الهجر

أنا روحك فاطمة .. و تخليني يا غالي

أدعي صلاتي حنين و ذكرى .. و أسجد و كلي عبرة .. كياني قنوت
ضعن الأهل و أنا موت أنطره .. لو عسى ليَه نظرة .. أشوفه و أموت

ﮔـالو لطيبة .. من تالي غيبة .. رد محمل الغياب
ﮔـللبي فرشته .. بشوﮔـي نثرته .. و عيوني بس عالباب

ياريته يفوت ..

و بـﮕيت أون لحالي .. بحضن الظلام
و لـﮕيت ونيني عالي .. مثل الحمام

متى بس يا والدي .. الوصل و الـﮕـى منالي
*** *** ***

على وين .. و هذا حالي .. و إنته الصبر
يا حسين .. و كل سؤالي .. ليش الهجر

أنا روحك فاطمة .. و تخليني يا غالي

بعد انتظار و نهاري غايب .. بيَنت الرﭼـايب .. بليا كفيل
تحمل هدايا من المصايب .. ضيم و فـﮕد حبايب .. دمعها يسيل

و أول عزية .. بهاي الرزية .. في خاطري المجروح
لا ﮔـبللي طفلة .. و لا بعدي طفلة .. تجري على خدها الروح

أملها قتيل ..

لو أموت من الجرى لي .. بسكتة ألم
و لو أموت بليا والي .. حسرة و ندم

عـﮕب أهلي شلون أعيش .. و أيامي ليالي
*** *** ***

على وين .. و هذا حالي .. و إنته الصبر
يا حسين .. و كل سؤالي .. ليش الهجر

أنا روحك فاطمة .. و تخليني يا غالي

أشكر الجهود الجبارة : والمبذول الواضح : قلوبنا معاكم
سيروا وعين الله ترعاكم

حبك صار جنة ونار لباسم الكربلائي

جنة او نار

حبك صار - جنة او نار - بگلوب العشاگ
أغلى ملاك - جنة هواك - يل نارك أشواگ
حور العين ابحبك هامت وش ترجى امن الناس - يل أعذب من نهر الكوثر حبك يا عباس

اجمعت ضدين وأكثر - گلب الفردوس الأخضر - الجنة ابحبك تتنور
يل بدرك ما غاب - عن أفق الأحباب
يمن معناك يسحر - گلبي ابنارك من يسعر - مثل الند اعلى المجمر
كل ما بالحب ذاب - يتفاوح أطياب
جمر الشوگ - للمعشوگ - يخمد لا هيهات
واعلى الروح - طيبه ايفوح - وأنظم هالآيات
إنا أعطيناك الكوثر تسگي اورود إلياس - يل أعذب من نهر الكوثر حبك يا عباس

هي عباس دير آنام دلميري تاهي - جبروزي بيجاهو كوچبوچ هوتاهي
كرمو منكم هاري سهمي سركو جباتاهي - ميكو جبي قربان مولا الله جاتاهي

توميري جان هيتو توميري دنكي دركنهيميري سينيكي راهتها
توجبيهي قربان - ميسارا جاها
علي كبيار هيتو توتو جان كتوكراهي نهي تو جانت بوراهي
إبن كرار - هي ميري سردا
إيزامي آسوما قدسي رونقهي - جنتك أرضو شا قدسي روشنهي
أرها جتمن در بيتيري منتني آتاهي - ميتوجبي قربان مولا الله جاتاهي

إله الكون يشهد - كل ما إسمك يتردد - روحي الگلبك تتودد
والخاطر عيناك - تتغنى ابذكراك
هجير الشوگ يشتد - مثل الظامي إليتنهد - بيه الجمر إلما يخمد
ما أحمل فرگاك - يا عباس أهواك
أقسم بيك - گلبي اعليك - من لهفاته ايذوب
إنت اظماي - وإنت الماي - يا ألطف محبوب
روحي الولهانة شما تظمئ جودك تنطي الكاس - يل أعذب من نهر الكوثر حبك يا عباس

كرينزري جادو تومي ملنيكي تمناهي توجي دل سيلقاناهي
جنت تيربيا - سيلبكي تردا
توراهوكا سنگم ميري ساسوكي خوشبوهي ميري آكوكا سرماهي
زهرا كي آرما - سربل كي مهمان
جبدركي آتاهو خوشهوداتاهو - جبميدور جاتاهو مگبراتاهو
هربا ميري دلكوتيري ياد آتيهى - ميتوجبي قربان مولا الله جنتاهي

بريد الروح يسأل - عنك دوم او يتأمل - زاجل حبك يتنقل
ما بين الأرواح - ناشر أغلى اجناح
إلك لو طيف يقبل - وسط اعيوني يتنزل - چان ابشوفك أتكحل
كحلة هالأفراح - بيها الهم ينزاح
هالأنظار - مثل الدار - يتملكها الطيف
دارك هاي - مو عيناي - وآنه اعليها الضيف
وهاي ارموشي ابباب اجفوني صارت لك حراس - يل أعذب من نهر الكوثر حبك يا عباس

قصائد إلى الملا باسم الكربلائي بقلم الاسطورة الأديب الشاعر جابر الكاظمي حفظهم الله بحق صاحب العصر الزمان :
1- تحجي لك الزوار

تحچي لك الزوار ناشدها ناشدها - يتلالى بالأنوار مرقدها مرقدها
طفلة رقية - صبح ومسية - جنة وزهية
مرقدها مرقدها

يالمعتني وتريد - تاخذ جواب يفيد - إسمع خبرها
لعيونك من بعيد - عنها بصراحة يشيد - يشهد گبرها
لو رايد التوكيد - عن علة التمجيد - لوعة لگدرها
وين الأمير يزيد - وإلي بمكرها تكيد - ضايع أثرها
غي رالحقد آثار ما عدها ما عدها - ما نالت الأشرار مگصدها مگصدها
يا أهل الجريمة - شوفوا اليتيمة - بهيبة عظيمة
مرقدها مرقدها

يالإلك حاجة وجاي - بلهفة گلب عناي - صادق مرامة
هاي الوجيهة هاي - وعندها الدوى لكل داي - إلها كرامة
ليها إعتني شچاي - وإلمختلف بالراي - إترك كلامه
صيح بعهد وفاي - مولاتي يا رجواي - يوم القيامة
عندك علم وأخبار عن جدها عن جدها - وبمنزل الأطهار مولدها مولدها
متورثة ذاته - وسيرة حياته - تشهد صفاته
مرقدها مرقدها

لا تعقد التفكير - طفلة وعمرها زغير - تجهل فضلها
لو تمتلك تدبير - عندك يقين يصير - تدرك مثلها
من الله هالتقدير - إلهم زغير چبير - تقدير أهلها
لا تصطدم وتحير - هالعبرة للتذكير - الله جعلها
وبقدرته الجبار أيدها أيدها - لأهل الوعي تذكار خلدها خلدها
هاي الحقيقة - للضل طريقه - أكبر وثيقة
مرقدها مرقدها

يالتسمع أنظر زين - هاي الكرامة منيم - نالت علاها
طفلة وهضمها البين - وين أهلي صاحت وين - رفعت نداها
غمضت جفن العين - شافت أبوها حسين - بالطيف إجاها
من صفگت الچفين - والدمع عالخدين - وإشتد بچاها
زين العباد إحتار شاهدها شاهدها - تبچي وتريد إحضار والدها والدها
الدمعة تصبها - يلهب گلبها - وأصبح طلبها
مرقدها مرقدها

ولن الأبو المذبوح - بالطشت راسه يلوح - فگدت أملها
وبگلب كله جروح - شبگته ولنها تنوح - الدمعة تهلها
طفلة بنظر مشبوح - من عگبه وين تروح - تشكي عللها
لنها بجسد مطروح - غربت عنه الروح - گرب أجلها
لو شاءت الأقدار شيردها شيردها - بالغربة لمن صار مرقدها مرقدها
الباري بحسابه - خلى الخرابة - سر الغرابة
مرقدها مرقدها

2- جمال الكون من شريط ياعلي

جمال الكون بشفافك - الگلب مفتون بأوصافك
سحر معناك - إندفن وياك
يا حيدر

بدر علياك من يظهر
ضوى الأكوان - يظل خجلان
بحجاب الغيظ يتستر
أوصفك بيش ما أقدر
الوصف هيهات - يوصف ذات
بضوى الخلاق تتنور
عمد للكون يا محور
وجودك صار - أخو المختار
وأبو الأطهار يا أطهر
بشذاك الطيب يتعطر
علينه فاح - حيا الأرواح
بدر لولاك ما أزهر
مطالع نور من وجهك - بشر بالكون ما يشبهك
ولحن نجواك - إندفن وياك
يا حيدر

المفاتن بيك تتجسم
سحر ينساب - من الأهداب
بشذى التقديس يتنسم
يظل معناك سر مبهم
بجبين اللوح - سناك يلوح
على التكوين يتقسم
حدر جفنيك يتنعم
بحسن مضمور - خمايل نور
بلحن طرواك تتنعم
جبينك نور يتزاحم
يا بو السبطين - سواد العين
شبيه الليل لو عتم
بصدى العشاگ ناديتك - فرض عالناس قدسيتك
جمالك ذاك - إندفن وياك
يا حيدر

إلك إشعاع ظل يمتد
إلك أسرار - يا حامي الجار
لعقول الناس ما تمحد
لوجودك دوم نتودد
إذا مصباح - لفانه ولاح
المحاسن بيك تتجدد
بهواك أرواح تتنهد
معاني الشوگ - عليك تلوگ
يا روح الروح يا أوحد
إله الكون خل يشهد
رفعنه الصوت - على حد الموت
نآمن بيك ما نرتد
حلى الإيمان بوجودك - بحور تفيض من جودك
كرم يمناك - إندفن وياك
يا حيدر

يا أصل الطيب والمنبع
إلك أوصاف - البشر ما شاف
مثل معناك يا الأنزع
شمس لولاك ما تسطع
ولا أفلاك - جرت لولاك
بهائك نور يتوزع
عجيبة شلون بالمضجع
تظل مدفون - ويظل هالكون
عليك يجود بالمدمع
عليك العين ما تهجع
سهر وهموم - دمعها دموم
جمر فرگاك يتلفع
لهيب الروح يتوجر - الدمع بركان يتفجر
وأمل دنياك - إندفن وياك
يا حيدر

يا بحر الجود وإحسانه ما نشفاك
أهيم بعالم أوصافك من أشفاك
جمال الكون تكوينه من شفاك
والفردوس من وجهك زهية

3- كل ما نوقف بالمحراب من شريط الرزايا

كل ما نوگف بمحراب - نذكر نورك إلي غاب
والأنظار - تجدح نار - لأجل الثار
يا كرار حيدر

يا حيدر شيعتك إحنه نصيح بلهفة وبحسرة
مواگد بينه تتسجر إلك يا والد العترة
بينه طبرتك تركت ألف طعنة وألف جمرة
وثارك يستعر بينه مثل ما تسعر الجمرة
إحنه شيعتك ننعاك - يا ريت إندفنه وياك
بحزن الروح - دمع النوح - ظل مسفوح
ليل نهار حيدر

بكل محراب من نوگف نذكر لوعة مصابك
ونذكر من طحت دامي وعليك ينوح محرابك
نكابر عالحزن ونصيح يا من صار الدمه خضابك
منهو إلمسح دم راسك ومنهو إلضمد صوابك
وبهالطبرة يا ضرغام - طبروا هامة الإسلام
عين الكون - تغفى شلون - يا المرهون
للأقدار حيدر

غبار الفاجعة تناثر حزن والعالم تغبر
حزين وبالسمى السابع هتف صوت الوحي وكبر
سمعنه الهاتف ينادي إنطبر راس الوصي حيدر
عجيبة تموت يا فارس بدر والخندق وخيبر
وشلون الأجل أرداك - يا سيف النبي الفتاك
كلها تگول - مو معقول - هالمچتول
حامي الجار حيدر

إنت الغالي يا أول إمام وشيعتك إحنه
مصابك عايش ويانه ولا لحظة يبارحنه
بعد منهو الذي يبدد هضمنه بشدة لو طحنه
مثل نوح الثكالة تنوح مهجنه وبالحزن صحنه
لا هب النسيم إلهاب - من بعدك يا داحي الباب
يومك يوم - كله هموم - بينه تدوم
هالأكدار حيدر

على فراگك سكن بينه الكدر وهموم لوعتنه
سواد الليل ظل ينعى ويواسينه بمصيبتنه
جمر تنثر نواظرنه عليك بدال دمعتنا
مثل دم جرحك إليجري غدت دم تجري عبرتنه
وشلون الجفن أخفاك - وتراب الگبر واراك
نحني ضلوع - نجري دموع - چم مفجوع
ظل محتار حيدر

يمن رب العرض حجة وخليفة للنبي إختارك
مشاعل فگدك إستعرت ولا تخمد بعد نارك
بواتر هذه مشحوذة يمن قائدها بتارك
لون هالدنيا نفنيها فلا نوفي طلب ثارك
دمك يا دمه يساويه - ويا ثار الذي يجازيه
ما ساواه - لا والله - ما ننساه
مهما صار حيدر

ثارك عايش ويانه يصبحنه ويمسينه
ومن يسفر شهر رمضان يذكرنه بمآسينه
نصوم ونذكر صيامك إلما تمم ثلاثينه
يا ليلة واحد وعشرين ذوت نار الحزن بينه
كل ما نصطحف آيات - ويانه تهل عبرات
بالأحزان - والأشجان - ثارك حان
يا مغوار حيدر

4 - آنه زينب يالعفتني من شريط الرزايا

آنه زينب يل عفتني - بويه عگبك يتمتني
شحسبت من ودعتني

يا علي آنه العقيلة بالمصايب دمعي جاري
من غبت عني يا حيدر طول عليك إنتظاري
سابحة عيوني على دربك وأنتظر ليلي ونهاري
بگلبي ناري بعيني دمعي ومزجت دمعي ويا ناري
بالنوايب هيمتني - للمصايب سلمتني
شحسبت من ودعتني

بالأمس يا بويه روحي تصوبت بمصيبة أمي
اليوم صوبني زماني بفرگتك وإزداد همي
صرت يا بويه يتيمة والمصايب كلها يمي
هجمت أشباح المناية وهدمت حيلي ويا عزمي
بالمصيبة صدعتني - بويه لمن ضيعتني
شحسبت من ودعتني

يا علي وچلمة أبوة چنه نسمع من لسانك
والزمان حرمنه منها وسفة يل خانك زمانك
لچن الحال إلفجعني من شفت خالي مچانك
عرفت يا بويه حرمتني العاطفة ولهفة حنانك
بلوعة الهم لوعتني - وبمغيبك خيبتني
وشحسبت من ودعتني

راحت أيام المعزة وگابلت سود الليالي
أذكر أيامي إلعشتها بعطفك وعزة دلالي
تالي لن دارك شفتها وحشة والمحراب خالي
هذا لا واقع أگوله ولا أحسبه من خيالي
هيجتني وسهرتني - بالمصايب صوبتني

يا علي ودعتك الله يا فخر تاج الغوالب
توسد بگبرك يا بويه وآنه أبگىويا النوايب
ليلة فراگك رهيبة يل صرت عن عيني غايب
تحيرت مدري أجابل لو أسلم للمصايب
تلوعت يل دوهنتني - وإنت وحدك روعتني
وشحسبت من ودعتني

5 - مجروح قلب المختار من شريط الرزايا

يصب دمعي ولا ينشف مصبه
دليلي غير سهم الهم ما صابه
أنوح على الحسن وأذكر مصابه
وأضمد بالدمع ناري السرية

مجروح گلب المختار - ويسيل دمع الكرار
والزهرة تبچي دموم - تنحب على المسموم

ملامح للحزن ظهرت تلوج بكل جفن عبرة
على مصاب الحسن هاليوم ينوح العالم بأسره
مصيبة وتبدي من جبريل لرسول الله أبو العترة
لروح المرتضى الكرار لمهجة فاطمة الزهرة
هاليوم يوم الأحزان - وتنوح كل الأكوان
والدنيا كلها هموم - تنحب على المسموم

عصف ريح والهم غبار الظيم يتنثر
ظلام يغطي دنيانه إنعكس وتبدل المظهر
إنفطر چبد الحسن لچن چبد النبي تفطر
رسول الله إنخطف وجهه بمصيبة شبله وتغير
ما بين لوعات الروح - ما بين گلبه المجروح
روح النبوة تحوم - تنحب على المسموم

من كل جانب ومن كل صوب صريخ النايبة تسمع
لهيب المحنة يتواگد بصميم الفارس الأنزع
مو چبد الحسن هذا چبد المرتضى تگطع
ومو دم چبدته إليجري جفن حيدر جرى المدمع
أمواج ظيم وعبرات - وتسيل فوگ الوجنات
بيها الحزن مرسوم - تنحب على المسموم

مصيبة وفجعت الزهرة وغدت تجري المدامع دم
إجن يمها إليواسنها حوا وهاجر ومريم
مصاب الحسن ذكرها بضلعها لمن تهشم
مثل چبد الحسن أمه چبدها الطاهر تخذم
هاليوم صارن كسرين - بالروح شبت نارين
هاي أم ضلع مهشوم - تنحب على المسموم

بمشارف يثرب الليلة طلع ناعي الحزن ينعى
وإجتمعوا رسول الله وعلي والطاهرة البضعة
وبدار الوحي هاليوم كل الرسل مجتمعة
ولا ينسمع منهم صوت غير الشهگة والدمعة
آلام تتبع آلام - ونشوف سود الأعلام
كل الرسل هاليوم - تنحب على المسموم

توجه سيد الأكوان للزهرة ويصد ليها
على مصاب الحسن صارت تواسيه ويواسيها
إلتفتوا لن علي وياهم مدامع ظيم يجريها
وكل منهم غدى بگلبه سعير الجمرة يخفيها
جبريل ينظر هالحال - ويسيل دمعه الهمال
كل دمعة منه هموم - تنحب على المسموم

أشد ما عالنبي وأعظم مصيبة إلخلفت آلام
من شاف الحسن نعشه تحيطه زمرة الظلام
ما شايف نعش گبله يتولوه العدى بسهام
هذه حالة الدنيا وهذه غدرة الأيام
مسموم بحر الإحسان - والكون نوح وأشجان
كل ثاكلة ومحروم - تنحب على المسموم

6 - الرأس المقطوع من شريط نوح ودمع

الرأس المقطوع - في رمحٍ مرفوع
بلا ذنبِ - قضى نحبي
الرأس المقطوع

يا أبو الحملة هاليلة من جوف النحر أروي لك أخبار
چنِت يمي ريتك يا بوية بكربلاء و تعاين اشصار
إلك أبدي و أشرح مصاب اللي سِدَر يا حامي الجار
صرت وحدي و انتهت بالطف يا علي أهلي و الأنصار
جيشٌ كالأشباح - جاءوا بالأرماح
لدى الحربِ - قضى نحبي
الرأس المقطوع

بأشد حالة بالخيمة ودعت الحَرَم من بعد الأطفال
رحت آييس أتعثر بهمي و مصابي و قسوة الحال
شفت عسكر داروا عَلَي من كل كِتِر أشباه الرجال
بجمع حاشد متشرعة رماح الحَتِف و سيوف الآجال
جاءت مثل السيل - أمواجٌ من خيل
و بالضربِ - قضى نحبي
الرأس المقطوع

الحرب دارت و استوحدوني من بعد أهلي يا ضرغام
انفُضخ راسي بذاك الحجر يا أبا الحسن وتصوب الهام
نزف دمي و على الجسم مثل المطر تتهدف سهام
و المثلث گطَّع دليلي و كابدت بالرمية آلام
ذا سهمُ الأوثان - في قلب القرآن
رمى قلبي - قضى نحبي
الرأس المقطوع

وگع جسمي بالمصرع و من عالبُعُد تترقب الناس
گرب موتي و آنةه أعالج عالأرق وبآخر أنفاس
الشمر جاني ثنّى على صدري بركبته و على الصدر داس
لِزَم شيبي و ابتدى يحِز نحري وفصل عن جثتي الراس
رأسي في العسّال - جسمي فوق رمال
على الترب - قضى نحبي
الرأس المقطوع

إنگطع نحري راسي إنحمل فوگ الرمح ويگطر دموم
و عقب چتلي ظل جسمي مرمي على الترب وتحاوطه الگوم
بحوافرها داست علي خيل العدى ولن صدري مهشوم
و على المذبح مو دم نزف من رگبتي تتنازف دموم
ملقاً في البيداء - ظامٍ جنب الماء
وبالخطب - قضى نحبي
الرأس المقطوع

7- هاي امي لربتني من شريط نوح ودمع

هاي أمي إلربتني - ولهذا الموقف رادتني
بالمدمع نادتني - وياك أستشهد وصتني
حان الموعد - خل أستشهد

هذي مفاوس كربلا و هاي الحرب يا عمي
هذي وصية والدي وشجعتني نخوة أمي
مهموم و ادري التضحية تكشف سحابة همي
تتناثر أزهار الفرح حين يتناثر جسمي
مو وگت شمعة و لا عرس وگت إنتصاري و عزمي
وأمضت الصارم شمعتي و الحنة تصبح دمي
من أوگع بالمصرع - أوفي كل حگوگ المرضع
و لأمي إلرضعتني - وياك أستشهد و صتني
حان الموعد - خل استشهد

خيل و زِلِم من كل كتر وسط الحرب مجموعة
وادم إجت للمعركة لأتعس هدف مدفوعة
بيض الهنادي ملوَّحة هاي السُمُر مشروعة
يا عمي إرخصني اطب و أخمد سعير اللوعة
هالساعة مو ساعة شمع للعرس طفوا شموعه
چفن أمي عاهد لو متت يحبس مسيل دموعه
و الواعي بتفكيره - يتمسك بأعراف الغيرة
و الغيرة دفعتني - وياك أستشهد و صتني
حان الموعد - خل أستشهد

يا حسين يا عمي و أظن ترخصني لو ردت أطلع
هزَّتني لأجلك غيرتي و للذبح نحري تتطوع
لهالساعة ذاخرني الحسن هذه و صيته و تسمع
ناداني لو عمك يظل وحدة و يشع المفزع
ضحي له يبني برگبتك و عن مبدأك لا ترجع
واعدني يحضر والدي لو طحت وسط المصرع
عاهدته و عاهدني - أبرز و بعينه يشاهدني
و عهوده إلشجعتني - و ياك أستشهد وصتني
حان الموعد - خل أستشهد

يا حسين يا عمي و بعد شنتظر شنهو التالي
وحديتك بالطف هدَّمت حيلي و تغيَّر حالي
خليني أبرز للوغى و يسفر شعاع هلالي
و لو مانعتني من الحرب تصدع ركن آمالي
شلون أصبر و شبلك علي طايح صريع گبالي
دم إبنك ارخصته شتظن دم إبن أخوك الغالي
خل أبرز للعسكر - آخذ منهم ثار الأكبر
و الحالة إلهضمتني - وياك استشهد وصتني
حان الموعد - خل أستشهد

جاوبه حسين بدمعته غيِّر يا جاسم فكرك
بعدك بزهرة دنيتك شنهو إلشِفِت من عمرك
بأول شبابك مارِدِت كربلاء تغِّيب بدرك
بيك أنظر أوصاف الحسن لمَّن عيوني تنظرك
منهو إليصبر الوالدة لو شاهدت دم نحرك
شلون أرجع لخيامي - و الأكبر طايح قدامي
و أمي إلي بعثتني - وياك أستشهد و صتني
حان الموعد - خل أستشهد

جاوبه جاسم يالگلت أگصد يا جاسم لأمك
هي إلدعتني لنصرتك گالت لي أنصر عمك
گالت يا جاسم لا ترد خوض المناية بعزمك
خليني أنظر بالحرب يم جسم الأكبر جسمك
و گالت لي روح لفاطمة صوغة إخذ من دمك
و الزهرة من دار الخِلِد ظلت تردد بإسمك
عالمذبح دلتني - وياك استشهد و صتني
حان الموعد - خل أستشهد

8- حضر بالطف من شريط نوح ودمع

حضر بالطف رسول الله وتحير - فگد جاسم أشد لو فگد الأكبر
يدير العين هادينه - فگد بدرين هادينه
فگد جاسم أشد لو فگد الأكبر

حضر بالفاجعة الهادي - حزين بلوعته ينادي
إجيت أرد أحضر أولادي - وگعد بين الجثث ينحب
تفجر سيل عبراته - حفر بدموعه وجناته
زفير النار حسراته - ضميره بالحزن يلهب
گعد للأكبر ينظره - يشوف بهامته الطبرة
ويصد لجاسم بعبرة - يشوفه بالدمه مخضب
يحاچيهم وهم عالغبرة صرعى - غدى عليهم دمعة على دمعة
يتوجه وين هادينه - فگد بدرين هادينه

حضن جثة علي الأكبر - يگله يبني ما أگدر
أشوفك بالدمه معفر - دهتني مصيبتك يا بني
كلف يا الأكبر مصابك - صريع وبالدمه خضابك
يمينه إنشلت إلصابك - تراه بگلبي صوبني
من أشوفن وجهك الدامي - تهيج لوعة آلامي
شباب وتنذبح ظامي - شعلامك ما تجاوبني
حنى ضلوعه ويشم طبرة جبينه - يذوب الصخرة من جمرة ونينه
ولاه البين هادينه - فگد بدرين هادينه

گعد يم جاسم يشمه - حنى ضلوع الصبر يمه
ويخضب شيبته بدمه - يگله يا بني يا جاسم
إجيت أمسح ترب خدك - وأضمد بالدمع چبدك
شجرى لك يا بعد جدك - يا ريحانة بني هاشم
يا ضي إلبيه تصد عيني - على دربي يدليني
شجرى لك ما تحاچيني - وتنشف مدمعي الساچم
تغض وسفة يا جاسم عن جوابي - يعل لأجلك جرح لوعة مصابي
حمل جرحين هادينه - فگد بدرين هادينه

إلتفت للأكبر بونه - شطر مجرى الدمع منه
يگله بيش اهيدنه - جرح چبدي إليسافح دم
وإنت يا علي يمي - أشوفنك جسم مرمي
يصب من منحرك دمي - مو هو جسمي الذي تخذم
يا نجمة من السمه طاحت - يا دمعة من الجفن ساحت
شكثر روحي إلك ناحت - وما تسمع بواچي الهم
سهم فگدك شعب گلبي ورماني - حزن جاسم مثل حزنك دهاني
إنرمى بسهمين هادينه - فگد بدرينه هادينه

يا جاسم يا هوى إليسري - شفت دم رگبتك يجري
توجيت بجبل صبري - يا ضي عيني إلأصد بيها
لزفافك جيت يا عيدي - جبت لك شمعتك بيدي
بعد ما أدري يا وليدي - هوى العاصف يطفيها
علگتها بجمرة الدمعة - شلتها بروح منفجعة
يا جاسم گوم هالشمعة - على گبر الحسن خليها
يمن فگدك عصف ريح المصايب - سواج الهم طفح غيض النوايب
إنفجع بإثنين هادينه - فگد بدرين هادينه

إلتفت للأكبر يگله - عليك الحزن ما أمله
البيابي مدمع تهله - على أبوك إلي بگى وحده
أبوك حسين يا الأكبر - وحيد وحاطته العسكر
رعاك الله لون تگدر - تگوم العسكر ترده
من اشوفنه يهب نوحي - ويهيج ساكن جروحي
يا الأكبر هاك إخذ روحي - وأنهض للعزم شده
النبوة إنصابت لحال الإمامة - مصيبة والفلك غير نظامه
حزن لحسين هادينه - فگد بدرين هادينه

على جاسم روحه مهمومة - گعد يتمثل رسومه
يگله دونك الحومة - يا ريتك تنظر وتسمع
وتگوم لعمك تشوفه - عليه الجيش بصفوفه
هجم وملوح سيوفه - وعليه رماح تتشرع
وسف يخفي الأجل ونك - جواب أرجى صرت منك
أظن يا بن الحسن چنك - هنت لك نومة المصرع
يمن عرسك صبح عرس المنية - إلك طابت رمال الغاضرية
إله مصابين هادينه - فگد بدرين هادينه

9- والله لن انساك يا كربلاء من شريط كربلاء

و اللهِ لن أنساكِ يا كربلا - لو قطعوني مفصلاً مفصلا
شّرفكِ رب العُلا كربلاء - والقلبُ مشتاقٌ إلى كربلا

القلب هام و تفطر - بربوع الطف تأثر - ترى الجنة تراها
الوصف بيها تحير - صفت للدنيه محور - بجلالتها و علاها
لون جسمي توذر - بهوى العاصف تنثر - فلا أترك هواها
الحزن منها تفجر - غدت للمحنة مصدر - دمع زينب سگاها
أرضٌ سقتها الأعينُ الهمّعُ - و فوقها خيرُ الورى صرعوا
تسمو على كل الفلا كربلا

أرض و الرب جعلها - شرف للدنيه كلها - مناجم للبطولة
الغبار أصبح كحلها - مسيل الدم حجلها - تغازلها الرجولة
الوحي نصّب كللها - بجنح شوگه إعتنى إلها - جعل عليها نزوله
نقدسها و نجلها - و لا يعرف فضلها - سوى الباري و رسوله
أثوابها قد فصلت بالدماء - و أرضها مرسومةٌ بالسماء
فأصبحت أرض الولى كربلا

أرض همه و إرادة - بطولات و شهادة - عجز كلمن وصفها
المشي عليها عبادة - مجدها الباري شاده - رفع ذروة شرفها
بلطف ذاته ووداده - جعل إلها الريادة - و على الجنة يزفها
بأكاليل السعادة - و جلابيب السيادة - ملايكته تحفها
ما من نبي جاء أو مرسلِ - إلا أتى بالأدمع الهمّلِ
يبكي لما يجري على كربلا

أرض و الرب يعدها - مثل جنة خلدها - مرابعها الأمينة
و أبو اليمة رصدها - رصد ذروة مجدها - تعناها بضعينه
أخذ گومه و گصدها - بضعن هاشم وردها - و تعنه من المدينة
نزل و أطنابه شدها - جعل موضع عمدها - بالنفوس الحزينة
أرضٌ بها حلت رجال الصفا - و إختارها ريحانةُ المصطفى
للسبطِ أصبحت منزلا كربلا

بلطف رب الجلالة - صفت أرض العدالة - مواطن للعقيدة
حوت أشرف سلالة - أهل بيت الرسالة - بمواقفها المجيدة
أبو اليمه و رجاله - علن بيها نضاله - كتب بالدم رصيده
دخل ساحة قتاله - بوفه و همة و بسالة - و سگاها بدم وريده
لولا حسينٌ لم تكن أرضها - إلا فلاتاً مقفرُ روضُها
للناس أضحت موئلا كربلا

لون سائل سألنه - نواظرنا و مقلنه - تظل تشبح عليها
بسواها ما قبلنه - گبل چانت عللنه - تطيب و تشفى بيها
صفت غاية أملنه - گبل ساعة أجلنه - نرد كل إحنه ليها
نذرنا لو وصلنه - بمواكبه و شملنه - زحف كلنا نجيها
من أجلها أرضى بأن أُقتلا - و هكذا الحب و إلا فلا
أنا الغريبُ المبتلى كربلا

11- عشاق الحسين من شريط كربلاء
عشاقُ الحسين – عشاقُ الحسين
خُد يا سيدي عهد الوفا والله يشهد

يبن المصطفى والمرتضى يبن الوِديعة - أمك فاطمة يوم الحشر إلنه شفيعة
أمرك كل وكّت يا سيدي واجب نطيعه - لو تطلب دمه بلايه ثمن دمنه نبيعه
يبن الخيرتيـن - عشاق الحسين

هذا الحب إلك من المهد يِمشي بدمانه - عشاگك لعد هذا العشگ ربك دعانه
يا نور العرش نكشف إلك كل محتوانه - يبن الطاهرة نورك يظل يزهي بسمانه
نورُ الفرقدين - عشاق الحسين

عنك سيدي ما نبتعد نمشي على دربك - مو حب عاطفة حب معرفة ووصانه ربك
يا الإسمك شرف وعلى الگلب بالدم نكتبك - حتى بالذبح من ننذبح نصرخ نحبـك
عند الحالتين -عشاق الحسين

لأهل المعتقد يا سيدي حبك عقيدة - من هاي البشر غيرك أبد لا مانريده
ما غيرك صمد وعلى الذبح قدم وريده - غيرك بالبشر يا سيدي مانصافح ايده
منذ النشأتين - عشاق الحسين

مجنون العقل بمحبِتك حبك عبادة - مثلك سيدي نتسابق بدرب الشهادة
نتحدى البشر كلها بعزمنا والإرادة - قائدنا وإلك يبن النبي تحلى القيادة
نكتُب كلمتين - عشاقُ الحسين

12- من العين من شريط كربلاء

يحسين من العين حبك ينبع مجراه
بكل بيت خطيت إسمك يا ثار الله
بالخواطر - بالضماير - بالمشاعر
إسمك يا ثار الله

من بدت ساعة حياتي وإبتدت لحظات عمري
شفتك تعيش بكياني حُبك إبشرياني يجري
عالأرض خطوة على خطوة محبتك ويايه تسري
ماغبت عن فكري لحظة بكل وكت إنت على فكري
حبيت - حسيت - أگرب من ضي عيناي
أهواك - وألگاك - بكل لحظة تعيش وياي
بيك أفاخر - و إنت صاير - بالمشاعر
إسمك يا ثار الله

جلت الخالق صفاته إلشيدت بنيان مجدك
حبك إتملك شعوري ومهجتي لاذت بسدك
إنت مجمل كل حياتي ولا حياة بغير ودك
وإنت مركز للمشاعر ملتقى الأرواح عندك
مگطوع - مرفوع - راسك يبن الكرار
هالراس - للناس - كوكب يهدي الأبصار
نوره زاهر - للبصاير - بالمشاعر
إسمك يا ثار الله

إسمك بطارف لساني ورسمك بدلالي غافي
المحكمة بحبك خذوني وآنه بأحضان المنافي
وبقلم إيمان گلبي وقعت فوگ إعترافي
وأعترف لو ما وجودك ما نزل وحي القوافي
أفكار - وأشعار - منك وحي الإلهام
وأبيات - هيهات - توصفك يا بدر التام
آله ثاير - دمه فاير - بالمشاعر
إسمك يا ثار الله

سرك السر الإلهي وما گدر واحد يعرفه
أنظر الشمس بجبينك لو شمس دنيايه تغفى
حبك تملك شعوري وبالشعر أعجز أوصفه
إنت إلهام القوافي وللشعر إسمك يشرفه
يكفيك - باريك - كاتب إسمك عاللوح
محبوب - ومكتوب - حبك بأعماق الروح
بيك أجاهر - وإنت حاضر - بالمشاعر
إسمك يا ثار الله

لا بشر يگدر يوصفك و لا ملك يعرف صفاتك
وصارم إلي حز وريدك فتح بوابة حياتك
تميزت عالناس كلها بمعجزة من معجزاتك
إنت أول بشر أصبح مولدك ساعة مماتك
للثار - أنهار - تتفايض من كل عين
مظلوم - يا يوم - يحصل ثارك يحسين
گلبي شاجر - فكري حاير - بالمشاعر
إسمك يا ثار الله

13- كربلائي أنا من شريط كربلاء

كربلائيٌ أنا - كربلائيٌ أنا
بّل حسينيٌٌ أنا - بل حسينيٌ أنا
كل صوتٍ من فمي - لحسينٍ ينتمي
بل حسينيٌ أنا

بين الأصلاب النزيهة توجهت للنشأتين - عالم لعالم نقلني وإفتحت للدنيا عين
بكل محطة من حياتي أنسأل موطنك وين - كربلائي والهوية موقعة بدم الحسين
بات سِــرٌ ينطوي - بات سِــرٌ ينطوي
للولاءِ العلوي - للولاءِ العلوي
وكياني ودمي - لحسينٍ ينتمي
بل حسينيٌ أنا

حب أبو الأكبر جذبني بغير حبه ما رضيت - هو روحي و هو ذاتي هو درب إلبيه مشيت
لا يساري ولا يميني بس لبو اليمه إنتميت - هو ينبوع الهداية من عذب ماي إرتويت
لا تقل عن سرهِ - لا تقل عن سرهِ
قطرةٌ في بحرهِ - قطرةٌ في بحرهِ
كل سرٍ مبهمِ - لحسينٍ ينتمي
بل حسينيٌ أنا

مثل ما أنزل الباري بمكة آيات الكتاب - بكربلا المصحف الناطق نزله بأفصح خطاب
وآنه يكفيني إنتسابي لأطهر وأشرف تراب - كربلائي وإفتخاري شرف هذا الإنتساب
صرخةٌ نحو العُلا - صرخةٌ نحو العُلا
ترجمتها كربلاء - ترجمتها كربلاء
كل حُرٍ مسلمِ - لحسينٍ ينتمي
بل حسينيٌ أنا

يا لسان الناس إسكت وإحجي يا لسان الجراح - لا ترفعون النواصي حسين راسه على الرماح
الناس تبچي بالمدامع وآنه أبچي بالصفاح - فوگ سرج المهر أنصب مأتم بسور الكفاح
كُل أطياب الدُنى - كُل أطياب الدُنى
مزقوها بالقنا - مزقوها بالقنا
كُل ما في العالمِ - لحسينٍ ينتمي
بل حسينيٌ أنا

حسين حين إنفتح جرحه إنفتحت أبواب الخلود - سلمه المعبود بالطف سر مفاتيح الوجود
كربلا حسين إرتضاها مسجد وصار السجود - بين طعنات العوالي و بين خفگات البنود
سر أصحاب العبا - سر أصحاب العبا
أحدقت بيه الضبا - أحدقت بيه الضبا
كل فذٍٍ ملهمِ – لحسينٍ ينتمي
بل حسينيٌ أنا

من شريط وحي القوافي

19 - صلى عليك .
صلى عليك مليك السماء - جسم صريعٌ بالعرى مقطعُ الأعضاء
سليب حسين غريب يا حسين

مو آية وحدة بهذه نزلت آيات بيها الكتاب يصرح
شما بالسمى وبالأرض من مخلوقات بإسم الإله تسبح
معناها يشعر عالم الموجودات باليحزن وباليفرح
وبهالشعور عليك ناحت كل ذات وادي الطفوف يوضح
بكى عليك ضميُر الجماد - ثم إرتدى ثوب الحداد - يا مبكي الأطواد
عجيب حسين غريب يا حسين

أول صواب الحجر لمن صابك ذاك الجبين تهشم
هذا الحجر ظل ينحب على مصابك وأصبح جبينك مأتم
سهم المثلث سجد يم أعتابك أدى التحية وسلم
ومن صاب چبدك ظل يحن لصوابك ألمك وهو تألم
ناحت عليك رؤوسُ النبال - وبكتك صاليةُ القتال - من محجر هطال
حبيب حسين غريب يا حسين

لمن طحت وإستقبلت وجه الله بدم الجروح إلترعف
تعناك شمر الخنى وسيفه بيمناه لگطع النحر متلهف
وعالنحر من وسط السيف وخلاه سيف الشمر ظل يرجف
هالسيف ظل يبچي على نحرك ودماه وعلى الجراح إلتنزف
بكت عليك عيون السيوف - وترابُ بادية الطفوف - في خطبك المعروف
تريب حسين غريب يا حسين

عن جثتك يا حسين راسك فصلوه وجسمك صريع مترب
تراب الأرض يبچي على حالك خلوه بموجة دماك تخضب
والشمس من شافت وريدك گطعوه بالحزن ظلت تلهب
راسك براس الرمح لمن شالوه حتى الرمح ظل ينحب
شابت عليك رؤوس الرماح - وبكتك بارقة الصفاح - يا من إلى الأرواح
حبيب حسين غريب يا حسين

والدك يوم الحشر هو الميزان وبچفه حوض الكوثر
شلون إنته إبنه تموت بالطف عطشان چبدك ذبل وتفطر
نهر الفرات اليوم منك خجلان ومن چبدتك يتعذر
خلوك يمه بلا غسل لا أچفان مغسل بدم المنحر
ناحت عليك ضفاف الفرات - دمعٌ وموج جاريات - وأنت بالفلوات
خضيب حسين غريب يا حسين

20 - شيعتي ياكرام
شيعتي يا كرام - يا عظامَ المقام
فإندبوا يا حسين- بفؤادٍ حزين

شيعتي إني غريبٌ بين أقوامٍ بغاتِ
و أنا الضامي و أُسقى من كؤوسِ النائباتِ
قطعوا رأسي ظُلماً بسيوفٍ مرهفاتِ
رفعوه بعد قتلي فوق أطراف القناتِ
ذاك رأسي مُشال - في رماحٍ طوال
و قطيعُ الوتين - بفؤادٍ حزين

شيعتي إن غاب عنكم في سماءِ الموتِ فرقد
فإذكروا الأكبر لما غاله السيف المجرد
و قتيلاً فوقه الأرماحُ و الأسيافُ سُجّد
و به قد صرعوا فوق الثرى جسمَ محمد
و شبيهُ الرسول - وطأتهُ الخيول
و فقدتُ البنين - بفؤادٍ حزين

شيعتي ما إن سمعتم من منادي وا أخاهُ
فإذكروا العباسَ لما قُطعت منه يداهُ
جئتهُ نحو الفراتِ قاصداً كيما أراهُ
فوجدتُ الجسدَ الطاهرَ تكسوهُ دماهُ
فإهتفوا بإنكسار - أين ذاك اليسار
أين ذاك اليمين - بفوادٍ حزين

شيعتي ما إن فقدتم من غلامٍ ذي مكارم
فإندبوه بدموعٍ و إذكروا لوعة قاسم
هو كالبدرِ تجلّى و جلّى تلك الغمائم
بدل الأشمعِ قد زُف بأطراف الصوارم
غاب ذاك الهلال - في بروج القتال
غاب نور اليقين - بفؤادٍ حزين

شيعتي ما إن فقدتم من رضيعٍ و هو ضامٍ
فإذكروا طفلي لما قتلوه بإهتضامِ
بدل الماءِ سقوه من أنابيب الحِمامِ
بأبي من ذاق طعم الموت من قبل الفُطامِ
ذاك نحر الرضيع - فاض منه النجيع
و دفنت الجنين - بفؤادٍ حزين

شيعتي ما إن شربتم عذبَ ماءٍ فاذكروني
أو سمعتم بقتيل أو شهيدٍ فإندبوني
فأنا السبط الذي من غير حرمٍ قتلوني
و بجرد الخيل بعد القتلِ عمداً سحقوني
ليتكم حاظرون - للنداء تسمعون
هاتفاً بأنين - بفؤادٍ حزين

21- يادنيه

مسلم شمال القلب من دنياي مسلم
أظل طيب أظل والدين مسلم
يصب دمعي لمصاب أطفال مسلم
يريت إلصار بيهم صار بيه

يا دنيه ما ظل والي - يا دنيه حتى أطفالي
يا دنيه راحوا تالي - يا دنيه هضموا حالي

بالكوفة مسلم وحده - ما بيها ناصر عنده
عدوانه خانوا عهده - وبصبره باذل جهده
بالغربة حفروا لحده - ما تطفى جمرة فقده
وأطفاله تاهوا بعده - راووها نفس الشدة
أولادي وآنه أمهم - أولادي سفكوا دمهم
أولادي محد يمهم - أولادي شغلوا بالي

ما ننسى حال العترة - شفناها فوق الغبرة
سيدها قطعوا نحره - خياله داسوا صدره
وعياله جذبت حسرة - عالوالي تجري العبرة
وأطفاله هالمنذعرة - مرعوبة صوب القفرة
طفليني هم وياهم - طفليني ما أنساهم
طفليني وين ألقاهم - طفليني تتراوى لي

بدموعي عنهم أسأل - يا ديرة محد يندل
دلالي ظل يتأمل - عالفرقة ما أتحمل
لن ناعي صاح ورتل - طفلينج بلا معقل
ذبحوها يم الجدول - والثاني يم الأول
ما أنسى وشلون أقدر - ما أنسى دوم أتذكر
ما أنسى هذا المنظر - ما أنسى فقد الغالي

أطفالي راحو مني - وبقلبي جمرة وني
مهمومة وخايب ظني - وهمومي ما رحمني
محتارة بالطف لني - ولا والي ينشد عني
مخلوقة للهم جني - والونة صارت فني
أتمنى يقرب أمري - أتمنى يخلص عمري
أتمنى مسلم يدري - أتمنى يتعنى لي

من شريط ياباب فاطمة

22 - لا قمر لاح
لا گمر لاح لاح بسمانه - ولا ورد فاح فاح بجنانه
شلون الزمان ينور - وضلع الشمس مكسور
لا گمر لاح لاح بسمانا

إذا لاحت مصيبة تكدر الوجدان - نذب اللوم كله برگبة الشيطان
إذا شفنا الورود تموت بالأغصان - نلوم إبليس وحده ونترك الإنسان
بالبشر ناس ناس بخيانة - شيبوا راس راس الديانة
بذاك الظلم والجور - ضلع الشمس مكسور
لا گمر لا لاح بسمانا

إلك أضرب مثل بمصيبة الزهرة - نشدت إبليس عن أفعال هالزمرة
وعن ضلع البتول الطاهرة وكسره - حتى إبليس منهم گال أتبره
شما حصل لوم لوم وأذية - يبدي من يوم يوم الرزية
والحادث المذكور - ضلع الشمس مكسور
لا گمر لاح لاح بسمانا

بگيت أنظر جمال الدنيا وأتحسر - وكل حالة أشوف بحالة أتذكر
إذا أنظر غصن مكسور أتأثر - أذكر حين ضلع الطاهرة تكسر
لو نجم غاب غاب وتعالى - أذكر الباب باب الرسالة
يم هالنجم منثور - ضلع الشمس مكسور
لا گمر لاح لاح بسمانا

الشمس كسروا ضلعها ويتموا بدرين - بدر بإسم الحسن والثاني بإسم حسين
وزينب نجمة محفوفة بسمى السبطين - على أمها تصب دمع مرجان من العين
هالدمع ساح ساح بجفنها - وچم گلب ناح ناح لحزنها
دمع النجوم يفور - ضلع الشمس مكسور
لا گمر لاح لاح بسمانا