لميس في سووق الفيصلية بالريااض (بالصوور)

هلا وغلا حبايبي ..

اللي دعاني لكتابة هالموضوع هو منظر شافه صديق لي وكان يخبرني به ويقول

أمس في فيصليتنا الحبيبة مصيف أهل الرياض

ياما شفنا فيها من تقليعات وحركات هبال ويا ما حنشوف ..

تفأجأت هالمره بالمنظر لأني كنت أحسب حمى المسلسلات التركية طفت شوي..

بس شكل الفراغ عامل عمايله في شبابنا

ما لكم بالطويلة ..

كنت طالع الفيصلية أمس وأنا طالع عالدرج قالت لي أختي : لف وراك شف ذالمتخلفين وش مسويين

حاولت ما أبين إني أطالع ولفيت وجهي وشفت شابين سعوديين في عمر الزهور..

واحد لابس ثوب والثاني تي شيرت والكشرة ماليه وجيههم وملامحهم تقطر فخر وشموخ

طبعا ما دريتوا ليه الفخر والشموخ ؟ أنا أقولكم

كانوا طابعين صورة لميس حقت سنوات الضياع (الممثلة التركية ) على صدورهم

ورازين خششهم في كل مكان مبسوطين على لفت الإنتباهـ والتعليقات والهمهمة والتهزيئات اللي

تجيهم من هذا وذاك وين ما راحوا ( على بالهم مسوين حركة ) لا ويقول واحد منهم تعال نروح

لصالة المطاعم ماشافونا هناك ؟؟؟

الحمد لله والشكر يا مثبت العقول بس !

بس من هي لميس ووش سوت عشان تنرز صورتها بهالطريقة على

صدور رجال مشوربين وكل واحد كبر ابوه.. تصدقون ما ذكرت إلا المثل اللي يقول

( أجسام البغال وعقول العصافير ) !!!

..

تعليقي انا ! :

والله شي يفطَر القلب ..

( رسولنا عليه أفضل الصلاة و السلام .. يوم هاجموه الدينمارك محد حط كتابات على صدره وقال ( إلا رسول الله ) بالأماكن العامه و المجمعات ..

يجون هالشباب و يحطون إنسانه ماتخاف ربها تركيه على صدورهم بالمجمع !!

وهذي صورهم :

لميس في سووق الفيصلية بالريااض (بالصوور) F6da0552c0

لميس في سووق الفيصلية بالريااض (بالصوور) 4b2eb4ae2f

لميس في سووق الفيصلية بالريااض (بالصوور) Ab8232e15b

أســــــــــأل الله الــــــعـــفــــــو والـــــعـــــــافــــيــــه

بسم الله الرحمن الرحيم

والله شي يفطَر القلب

وأن الرسول لايحتاج لهذي العقول الهدامه لكي تدافع عنه

فهناك أشرف من الناس اللي في الصور.

كما قلت أخي العزيز

( أجسام البغال وعقول العصافير )

أخوكم
سحر العشق

الطول طول نخله والعقل عقل صخله
الله يثبت عليهم العقل والدين

هههههههههههااي
والله مصخره الحمدلله على نعمة العقل
الطول نخله والعقل نحلة
الله لايبلينا

السلام عليكم
والله ناس مايخافوا من ربهم
حاطين وحده يهوديه في صدورهم
تحياتي فروحه

الحمد لله والشكر

في ناس تفكيرها على قد خشمها
الله المعين
مشكورين على الموضوع